15-ші ақпан Кеңес әскерлерінің Ауғанстан жерінен шығарылған күні. 1979 жылдың 25 желтоқсанында КСРО Қорғаныс министрінің берген бұйрығымен Ауғанстанға кеңес әскерлерін кіргізуге шешім шығарылды. Қазақстаннан бұл майданға 22 мыңнан астам жауынгер тартылды, оның 889- ы қазаға ұшырады, 30-ға жуығы хабар-ошарсыз жоғалып кетті. Ауған соғысы елімізге аз қайғы әкелмегені белгілі. Талай боздақтарымыз жат жерде өздерінің интернационалистік парыздарын орындау жолында қаза тапты. Бүгінде сол азаматтардың ерен ерлігі жас ұрпаққа үлгі-өнеге.
