Колледждің жас педагогтері мен жақында отбасын құрған қызметкерлері арасында «Салауатты қарым-қатынас: қызыл және жасыл жалаулар» тақырыбында интерактивті сабақ өткізілді.
Іс-шара барысында қатысушылар қарым-қатынастағы «қызыл жалаулар» — алаңдататын және жағымсыз белгілерді, сондай-ақ «жасыл жалаулар» — сенім, сыйластық, қолдау және түсіністікке негізделген салауатты қарым-қатынастың белгілерін талқылады.
Жағдаяттарды талдау, пікір алмасу және интерактивті тапсырмалар арқылы қатысушылар өзара құрмет, ашық диалог, жеке шекара және отбасындағы қолдаудың маңыздылығына назар аударды.
Салауатты қарым-қатынас — бақытты отбасы мен үйлесімді өмірдің маңызды негізі!
